From the point of view of someone who is in a band with two albums under our belt...
Kung hindi kayo bibili ng paid download or CD/album - in other words, libre/pirata lang gusto ninyo, huwag na rin kayo umangal kumbakit puro mga sa tingin ninyo ay walang kwentang banda ang sumisikat. Huwag rin kayo umangal tungkol sa nangyayari na yung mga magagaling na banda, minsan lang maglabas ng album, o naglalaho na lang na parang bula.
Huwag na rin kayo magsabi ng "sayang" sa mga magagaling na nagbabanda na nag quit dahil wala silang pambili ng gatas para sa anak nila. At huwag na rin kayo umangal kung ang mga paborito ninyong musikero o banda, eh sa tingin niyo nag-sellout o kumuha ng trabaho na nakakabawas sa oras sa tamang pagbabanda.
Huwag rin kayo umangal kung bakit sa live niyo lang napapakinggan ang mga ibang magagaling na banda, pero hindi naman bumibisita kung nasaan kayo. Huwag na rin kayo umangal na bakit parang nawawala sa praktis ang mga ibang banda - mahal rin ang praktis time sa studio kapag gusto mo pulido talaga ang tugtugan.
Kasi, di ba, mahal ang bayaran ang music nila. Mas importante yung mga expenses niyo di ba? Eh di pwes, huwag na rin kayo umangal sa lahat ng nangyayari ngayon, kasi kahit ang musikero, kailangan rin kumain, kailangan rin mag asikaso ng pamilya, kailangan rin gumastos para gumaling pa sila sa tugtog o mag-maintain man lang ng tamang gamit. Kung kahit naghihirap na ang musikero, gusto pa rin niya mag porsige, gagawa siya ng paraan, pero sigurado, nakatanggal ito sa oras para sa music at banda lang talaga.
Huwag na kayo bumili ng CD or paid download, pero huwag rin kayo umangal-angal. Okay ba?
Hindi na po "industriya" ang pinag-uusapan, kundi ang sitwasyon na dahil nga mahilig ang tao sa libre, mas lalong nahihirapan ang maraming banda (lalo na sa indie; ano pakialam ng international major label bands sa ganito, eh nakakatugtog sila sa malaking mga stadium na limpak-limpak ang bayad sa isang ticket, minsan may major brand endorsements pa) na makapagsabi na kaya nila makabuhay ng sarili nila sa pamamagitan ng ginagawa nila at suporta ng tao sa kanila.
Wala sanang magagalit, open thread naman po ito, at opinion ko lang naman ang sinabi ko.