Kailangan mo munang alamin sa iyong sarili kung anung uri ng musika ang tutugtugin mo. Kung shred ang tatahakin mong landas, kailangan mo simulan
sa makakapal ng pick upang maensayo mo muna ang control sa iyong technique. Sa oras na matutunan mo ito ay maaari ka nang gumamit ng ibang
uri ng pick.
Sa mga gitarang tulad ng Stratocaster, na may 25.5" scale length kung tawagin, 9's ang madalas na ikabit, dahil hindi gaanong matigas, at di
gaanong malambot. Sa mga tulad naman ng Les Paul na may scale length na 24.75" (mas maikli) 10's ang madalas ikabit. Habang pahaba nang
pahaba ang scale length ng gitara, lalong nababanat ang mga strings, at dahil doon lalo silang nagiging "firm." Magandang magsimula ka muna sa
nakasanayang 9's bago mo pagdesisyunan kung anung string gauge ang nais mong gamitin.
Sa mga exercises naman, kailangang pagtuunan mo ng pansin ang mga drills na may kinalaman sa pagsasabay at pagkakasundo ng dalawang
kamay mo. Ang pinakakaraniwang gamit na drill ng mga gitarista ay ang chromatic picking exercise na mahahanap mo sa maraming guitar websites
sa Internet.